Kosova
Nënkryetarja e Zveçanit fajëson Listën Serbe dhe “Brigadën e Veriut” për djegien e lokalit të saj
Pas djegies së lokalit të nënkryetares së Komunës së Zveçanit, Natasha Tomaniq, kjo e fundit ka thënë se sulmet e tilla ndaj serbëve ndodhin nga vetë serbët.
“Motivi, sipas meje, është se unë jam zëvendëskryetare e kryetarit të Komunës së Zveçanit. U kam ndihmuar shumë njerëzve që të punësohen, u kam ndihmuar edhe me ndihma të tjera në kuadër të Komunës së Zveçanit. Arsyeja kryesore që më është djeg lokali është se u kam ndihmua serbëve të Kosovës të punësohen në Komunën e Zveçanit dhe serbëve nuk u konvenon që serbët të punësohen në institucionet e Kosovës”, ka thënë ajo.
Tomaniqi ka fajësuar “Brigadën e Veriut” e Listën Serbe dhe thotë se nuk ekziston një palë e tretë.
“Kjo është marre për ata serbë, të cilët na i bëjnë këto gjëra neve serbëve dhe mendojnë se ne nuk duhet të punojmë në institucionet e Kosovës. Sepse janë mësuar që të punojnë vetëm në kushte të dhunës dhe në kushte të kërcënimeve dhe gjithashtu po e potencoj se absolutisht nuk frikësohem. Isha frikësuar po të më dilnin përballë edhe të më kërcënonin, por jo kështu të fshehur mbas shpine”, ka thënë Tomaniq.
Zëvendësdrejtori i Policisë në Rajonin e Veriut, Veton Elshani, thotë se hetuesit janë duke punuar në ndriçimin e rastit.
“Policia e Kosovës është informuar se mbrëmë 30 minuta pas mesnate ka ndodhur një zjarr në qendër të Zveçanit ku një lokal është dëmtuar, menjëherë kemi reagua në vendin e ngjarjes bashkë me zjarrfikës. Dëme të konsiderueshme materiale ka në atë vend, mirëpo nuk ka të lënduar. Ne momentalisht jemi duke punuar në drejtim të ndriçimit të rastit dhe nuk kemi persona të arrestuar”, ka thënë Elshani.
Vënia e flakëve në objektet në pronësi të nënkryetares Tomaniq, sipas kryeministrit Albin Kurti, është akt terrorist e kriminal.
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Zvicër
-
Rrëshqitja e shkëmbinjve në Brienz: A ekziston një kërcënim? Fshati malor Graubünden i Brienz ishte jashtëzakonisht me fat gjatë rrëshqitjes së dheut në verën e...
-
Gotthard, mbi 20 kilometra bllokime trafiku
-
Zvicër: Rastet e kollës te fëmijët, shumë të shpeshta
-
A do të largohet selia e FIFA-s nga Zvicra?
-
Shqetësime për planet zvicerane të transportit nëntokësor të mallrave