Kosova
Nesër protestohet për lirimin e Sylejman Selimit
Ish-bashkëluftëtarët e gjeneral Sylejman Selimit dhe organizatat e dala nga lufta e UÇK-së nesër do të protestojnë para Pallatit të Drejtësisë në Hajvali për të kundërshtuar, siç thonë, mbajtjen në mënyrë të padrejtë në burg të gjeneral Sylejman Selimit dhe bashkëluftëtarëve të tij.
Protesta do të jetë paqësore dhe mbahet me moton “Liri për komandantin e Shtabit të Përgjithshëm të UÇK-së, gjeneral Sylejman Selimin dhe të gjithë bashkëluftëtarëve të tij që po mbahen padrejtësisht në burgje”, përcjell albinfo.ch.
“Të nderuar bashkëqytetarë të Kosovës, bashkëluftëtarë, familje të dëshmorëve dhe invalidë të luftës, ju njoftojmë se më 19.09.2018 (e mërkurë), do të mbahet protesta paqësore para institucioneve më të larta shtetërore të drejtësisë. U bëjmë thirrje organeve të drejtësisë që t’i lirojnë nga burgu çlirimtarët. Kërkojmë nga presidenti, kryeministri, kryeparlamentari dhe nga organet e gjyqësorit t’i tregojnë popullit se për çfarë arsye është në burg gjeneral Sylejman Selimi? Kërkojmë nga qytetarët që të na bashkëngjiten në protestë, duke kërkuar lirimin e çlirimtarëve”, thuhet në njoftim.
Të ngjashme
Të tjera nga Kosova
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit