Lajme
Nga e hëna, sërish për “shopping” pa kufizime, nga Zvicra në Gjermani
Pas 3 muajve të bllokadës, zviceranët sërish mund t`ia mësyjnë matanë kufijve për të bërë blerje me çmime më të lira
Siç ishte njoftuar edhe javën e kaluar, Zvicra do të hapë të hënën, më 15 qershor kufijtë e saj për në shtetet e BE-së, të EFTA-së dhe në Britaninë e Madhe.
Kontrollet kufitare brenda zonës Shengen me atë rast do të jenë të shfuqizuara dhe përfundimisht, do të lejohet sërish turizmi i blerjeve shkruan sda.ch.
Që nga e hëna (15 qershor) në mesnatë, do të fillojë të aplikohet përsëri liria e plotë e lëvizjes nga Zvicra drejt BE-së dhe vendeve të EFTA-s dhe Britanisë së Madhe, transmeton albinfo.ch. Të gjitha vendkalimet kufitare që ishin mbyllur në mars për shkak të pandemisë së koronavirusit do të rihapen.
Ndërkaq, edhe më tutje ekziston një përjashtim sa i përket hapjes për Bullgarinë, Irlandën, Kroacinë, Rumaninë, Qipron dhe Britaninë e Madhe. Këto gjashtë vende, të cilat nuk i përkasin zonës së Shengenit, mbeten për momentin në listën e vendeve me rrezik.
Kufizimet ende zbatohen për aeroplanët e udhëtarëve. Sipas rregullores së ndryshuar, fluturimet nga vendet ose rajonet me rrezik mund të kufizohen ose ndalohen, përcjell albinfo.ch. FDJP (Ministria e drejtësisë dhe Policisë) është përgjegjëse për këtë.
Ajo duhet të koordinohet me departamentin e brendshëm, atë të jashtëm, departamentin e mjedisit dhe trafikut (Uvek) dhe departamentin e financave.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Vdekja e ushtarit në Bremgarten cilësohet si vetëvrasje Drejtësia ushtarake konsideron se vdekja e një ushtari të martën në terrenin e parakalimit të Bremgarten...
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?
-
Pse njerëzit në Austri po paguajnë më shumë taksa pavarësisht reformave federale?
-
Komiteti parlamentar zviceran mbështet planin e ndihmës për Ukrainën