Njohja e 77-të vjen nga Afrika Qendrore

Lajmin e ka bërë të njohur sot në një konferencë shtypi të mbajtur në qeveri, zëvendëskryeministri, Behgjet Pacolli

Republika e Kosovës fiton njohjen e 77. Shteti i radhës që ka njohur Kosovën është Republika e Afrikës Qendrore. Kështu ka deklaruar sot në një konferencë shtypi të mbajtur në qeveri, zëvendëskryeministri i parë, i ngarkuar me njohjet, Behgjet Pacolli. Që nga konstituimi i qeverisë “Thaçi 2” kjo është njohja e dytë që i vjen Kosovës. E para ishte nga principata e Andorës.

Republika e Afrikës Qendrore ndodhet në qendër të kontinentit afrikan, në Afrikën ekuatoriale. Ka rreth 4 milionë banorë dhe ka për kryeqytet Banguin.

Ky shtet në veri kufizohet nga Çadi, më tutje kufizohet me Sudanin, Republikën Demokratike të Kongos, Republikën e Kongos dhe me Kamerunin.