Kosova

“Nuk ka emra myslimanë, sepse nuk ka gjuhë myslimane”

Nuk ka emra myslimanë, sepse nuk ka gjuhë myslimane! Ka emra arabë, persianë apo turq. Kështu në profilin e tij në Facebook ish-deputeti i Kuvendit të Kosovës, aktualisht opinionist , Driton Tali, ndërsa merr shembull emrat e disa figurave të mëdha të vendeve arabe, por që nuk janë muslimanë, shkruan koha.mk, përcjell albinfo.ch.

Ja postimi i plotë i Talit:

“Nuk ka emra myslimanë, sepse nuk ka gjuhë myslimane! Ka emra arabë, persianë apo turq.

Bie fjala, emrat si Tefik, Fuad, Suleiman, Kenan, Sami, Naim, Faik, Ibrahim, E(A)mine …, janë emra arabë, e jo myslimanë! Ja pse: Shkrimtari arab Suleiman Mousa, autori i librit “T.E. Lawrence: An Arab View” është arab i KRISHTER, i lindur në Jordani;

Nacionalisti palestinez Tawfiq Canaan po ashtu  është i krishter;

KARDINALI i Jerusalemit e ka emrin Fouad Twal;

PESHKOPI i Kishës Anglikane e ka emrin Faik Ibrahim Haddad;

Dr. Naim Ateek është kler krishter;

Shkollari Sami Hadaëi (autori i “Ditarit palestinez”) ishte i krishter;

Poeti arab Daud Turki ishte po ashtu i krishter…”