Lajme
Numri më i ri i magazinës albinfo.ch i kushtohet industrisë kosovare të drurit
Si kornizë për këtë temë ka shërbyer pjesëmarrja e gjerë e Kosovës në panairin më të madh të ndërtimit, në Zvicër "Swissbau"
Industria e përpunimit të drurit është ndër degët e pakëta të ekonomisë së Kosovës që funksionojnë në nivel të kënaqshëm.
Një ndër rrëfimet e rralla të suksesit kur flasim për industrinë kosovare është sigurisht industria e përpunimit të drurit, e cila, suksesin e saj e mbështet në njëfarë tradite që ka krijuar ndër vite, në regjione të caktuara të Kosovës, aty ku ka pasur edhe në kohën e autonomisë së Kosovës, industri të zhvilluar të drurit.
Kësaj industrie, magazina albinfo.ch i ka kushtuar numrin e saj më të ri, atë muajit maj. Si kornizë për këtë temë ka shërbyer pjesëmarrja e gjerë e Kosovës në panairin më të madh të ndërtimit, në Zvicër “Swissbau”. Gjithsej tetë (8) ndërmarrje kosovare kanë përfaqësuar me sukses në Bazel industrinë e drurit të vendit të ri ballkanik.
Albinfo.ch, edhe në cilësinë e organizatorit të përfaqësimit të kësaj industrie në panairin e përmendur, ka përgatitur një dosje tematike, e cila përfshin prezantimin e ndërmarrjeve pjesëmarrëse nga Kosova, intervistën me kryetaren e Shoqatës së Përpunuesve të Drurit Arjeta Vula-Pozhegu, etj.
Kjo e fundit, veç tjerash thotë se “ndustria kosovare e drurit është konkurruese në Evropë”, duke u mbështetur edhe në depërtimin që kjo industri ka arritur ta bëjë në panaire si ky i Bazelit dhe në përgjithësi në tregun përkatës evropian.
Përveç kësaj tërësie tematike, ky numër i albinfo.ch përmban edhe tema të tjera nga ekonomia, kultura, sporti, moda etj.
Të ngjashme
Të tjera nga Lajme
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Zvicër: Më 2024 priten më shumë zjarre për shkak të ngrohjes globale Parashikimet e Institutit për Studimin e Borës dhe Orteqeve (SLF) tregojnë gjithashtu se periudha me probabilitetin...
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane
-
Amnesty International kritikon Zvicrën