Maqedonia
Oliver Spasovski, kryeministër teknik i Maqedonisë së Veriut
Kjo u bë e ditur pas mbledhjes së të premtes në mbrëmje, ku u caktuan edhe anëtarët e tjerë të kësaj partie në qeverinë teknike.
Ministri aktual i Punëve të Brendshme, Oliver Spasovski, do të jetë kryeministër teknik i Maqedonisë së Veriut nga data 3 janar, kur nga detyra e kreut të qeverisë pritet të dorëhiqet Zoran Zaev. Kjo u bë e ditur pas mbledhjes së të premtes në mbrëmje, ku u caktuan edhe anëtarët e tjerë të kësaj partie në qeverinë teknike.
“Dëshira ime është që sa më shkurt të jem në këtë pozitë që të kthehet sërish kryetari Zoran Zaev”, ka shkruar Spasovski në rrjetin social Facebook, përcjell albinfo.ch.
Spasovski në krye të qeverisë do të jetë deri në përfundimin e zgjedhjeve të parakohshme parlamentare më 12 prill të vitit 2020.
Formimi i qeverisë teknike 100 ditë para zgjedhjeve parashihet me Ligjin për qeverinë, ndërsa në të merr pjesë edhe opozita me dy ministra, atë për Punë të Brendshme dhe Ministrinë për Punë dhe Politikë Sociale si dhe do të ketë katër poste të zëvendësministrave. Ministrat dhe zëvendësministrat punojnë sipas parimit të njohur “me firma të lidhura”, që do të thotë se asnjë vendim nuk mund të kalojë pa nënshkrimet e dy zyrtarëve.
VMRO DPMNE-ja ende nuk ka caktuar anëtarët e saj në këtë qeveri, e cila detyrë parësore do të ketë organizimin dhe mbarëvajtjen e zgjedhjeve të parakohshme parlamentare.
Për të shtunën pasdite është paraparë të mbahet një takim i liderëve të LSDM-së, VMRO-s dhe BDI-së, Zoran Zaev, Hristijan Mickovski dhe Ali Ahmeti, për të diskutuar për modalitetet e tjera të qeverisë. Zgjedhja e kryeministrit të ri pritet të bëhet më 3 janar, ditën kur edhe Zoran Zaev do të japë dorëheqjen.
Zgjedhjet e parakohshme parlamentare ishin paralajmëruar nga kryeministri Zoran Zaev menjëherë pas samitit të BE-së në tetor, kur Maqedonia e Veriut nuk arritur të marrë datën e bisedimeve të anëtarësimit me Bashkimin Evropian.
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit