Kosova

Osmani cakton datën e zgjedhjeve në veri

E hënë, 14 Nëntor 2022 - 21:05 albinfo.ch

Pas përfundimit të konsultimeve me partitë politike dhe me KQZ-në, presidentja e Kosovës, Vjosa Osmani, ka caktuar 18 dhjetorin datë të mbajtjes së zgjedhjeve të jashtëzakonshme për kryetarë të komunave: Mitrovicë e Veriut, Zubin Potok, Leposaviq dhe Zveçan, përcjell albinfo.ch.

“Udhëzohet Komisioni Qendror i Zgjedhjeve i Republikës së Kosovës t’i ndërmarrë të gjitha veprimet e nevojshme për organizimin dhe mbajtjen e zgjedhjeve për Kryetar të Komunave: Mitrovica e Veriut, Zubin Potok, Leposaviq dhe Zveçan, në përputhje me këtë vendim dhe ligjin në fuqi”, thuhet në vendimin e presidentes Osmani.