Osmani e Kurti udhëtojnë në Gjermani, marrin pjesë në Konferencën e Sigurisë në Mynih

Kryeministri i Kosovës, Albin Kurti, do të udhëtojë sot për në Mynih të Gjermanisë.

Kurti, së bashku me presidenten Vjosa Osmani, do të marrë pjesë në Konferencën e Sigurisë në Mynih.

Kryeministri Kurti do të jetë i shoqëruar edhe nga ministrja e Punëve të Jashtme dhe Diasporës, Donika Gërvalla.

Nga zyra e kryeministrit kanë njoftuar se Kurti, Vjosa dhe Gërvalla do të qëndrojnë tri ditë në Gjermani, e që do të kenë takime të ndryshme.

“Kryeministri i Republikës së Kosovës, Albin Kurti, sot udhëton për në Mynih të Gjermanisë për të marrë pjesë në Konferencën e Sigurisë atje (Munich Security Conference). I shoqëruar nga zëvendëskryeministrja, njëherësh ministrja e Punëve të Jashtme dhe Diasporës, Donika Gërvalla, kryeministri Kurti do të qëndrojë atje për tri ditë, gjatë të cilave do të zhvillojë takime të ndryshme bilaterale”, thuhet në njoftimin e zyrës së kryeministrit.