Osmani mirëpret vendimin e fundit të SHBA-së

Presidentja e Kosovës, Vjosa Osmani, ka përshëndetur sanksionet e Shteteve të Bashkuara të Amerikës të vëna ndaj një grupi kriminal serb në krye me Zvonko Veselinoviq-in.

“I mirëpres sanksionet e Shteteve të Bashkuara ndaj Veselinoviqit dhe grupit të tij ndërkombëtar të krimit të organizuar nga veriu i Kosovës. Institucionet e Kosovës janë plotësisht të përkushtuara për sundimin e ligjit dhe do të bashkëpunojnë me SHBA-në për të siguruar që rajoni ynë të mos bëhet një parajsë e sigurt për grupe të tilla kriminale”, ka shkruar Osmani në Twitter.