Lajme

Pacientja e dyshuar nga Gjakova nuk është e prekur nga koronavirusi

Këtë e ka konfirmuar doktori Hilmi Shala, drejtor i Spitalit Rajonal të Gjakovës.

Është bërë e ditur se një gjakovare 20-vjeçare, e cila u dërgua mbrëmë në Qendrën Klinike Universitare të Kosovës (QKUK) nën dyshimin se ka koronavirus, doli se gjendja e saj është e mirë, përcjell albinfo.ch.

Këtë e ka konfirmuar doktori Hilmi Shala, drejtor i Spitalit Rajonal të Gjakovës.

“Pacientja është referuar nga kujdesi primar në Spitalin e Gjakovës, me shenja të gjendjes gripoze. Mjeku kujdestar në bazë të anamnezës dhe shenjave e ka referuar për në Kliniken Infektivë në QKUK për teste. Nuk ka asgjë të vërtetë në ato që thuhen në portale”, ka thënë Shala.

Sipas infektologëve të Spitalit të Gjakovës, vajza ka shenja të gripit njëjtë si pacientët e tjerë që referohen.

Kujtojmë që ministri i Shëndetësisë, Arben Vitia, gjatë ditës në një konferencë ka thënë se nuk është konfirmuar asnjë rast në Kosovë. /Albinfo.ch