Kosova
Pacolli: Ngritja e statusit në Frankofoni, lajm i mirë për Kosovën
Ngritja e statusit të Republikës së Kosovës nga ai i tanishëm, si vëzhgues, në atë të asocuar do të jetë një lajm i mirë për vendin, institucionet, qytetarët dhe rrugëtimin e gjithmbarshëm të integrimit ndërkombëtar të Republikës së Kosovës.
Kështu ka vlerësuar ministri i Jashtëm, Behgjet Pacolli, në punimet e Konferencës së Frankofonisë, që po mbahet në Jerevan të Armenisë.
“Në sesionin ministror të 84 vendeve anëtare të kësaj organizate, u konfirmua kërkesa e Kosovës për avancimin e statusit të Kosovës, nga anëtar vëzhgues në atë të asocuar, që është status i rangut të lartë. Ditën e enjte pritet vetëm konfirmimi”, ka thënë ministri i Jashtëm, Pacolli.
Në vazhdim të adresimit të tij para homologëve të shteteve anëtare, numri dy i Qeverisë ka shprehur përkushtimin dhe vullnetin e vendit tonë në lidhje me rritjen dhe thellimin e bashkëpunimit me këtë organizatë, përderisa ka kërkuar mbështetje dhe i ka falënderuar të pranishmit për qasjen konstruktive të kësaj organizate në përgjithësi dhe vendeve anëtare në veçanti.
“Në fjalën time përpara ministrave të jashtëm të vendeve anëtare të Organizatës së Frankofonisë shpreha përkushtimin dhe vullnetin e Republikës së Kosovës për të avancuar statusin tonë në këtë organizatë të rëndësishme. Jam optimist, që në mbyllje të Samitit, Kosova do të marrë statusin e anëtarit të asocuar dhe do të vazhdojë faktorizimin e vet. Vendeve anëtare të Frankofonisë u kërkova mbështetjen dhe i falënderova për konstruktivitetin e trajtimit të çështjes së Kosovës. Kosova do të marrë vendin e merituar për të dhënë kontributin e vet për paqen dhe stabilitetin rajonal e botëror”, është shprehur ministri i Jashtëm, Pacolli.
Të ngjashme
Të tjera nga Kosova
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane