Lajme

Paga minimale në Gjenevë: 23 franga ora, 4 086 në muaj dhe 49,032 CHF në vit

Një shumicë e votuesve në Gjenevë pranuan një plan për të caktuar një pagë minimale prej 23 CHF në orë (24,77 dollarë amerikanë).

58,15% e votuesve në kanton ishin pro planit të pagës minimale, i cili më parë mbulonte vetëm punëtorët shtëpiak. Dy vota të mëparshme mbi këtë temë u refuzuan nga votuesit e kantonit, shkruajnë mediat zvicerane, përcjell albinfo.ch.

Sindikatat argumentuan se është e pamundur të jetosh një jetë të denjë në Gjenevë me më pak se 23 CHF në orë, e cila del me 4,086 CHF në muaj për një javë me 41 orë ose 49,032 CHF në vit (52,803 US $).

Kantonet zvicerane të Jura dhe Neuchâtel ishin të parët që futën pagat minimale.

Gjeneva ka nivelin më të lartë të papunësisë në Zvicër. Në vitin 2018, bazuar në përkufizimin e Organizatës Ndërkombëtare të Punës, papunësia në kanton arriti në 11.8%, një normë më e lartë se në Francën fqinje, përcjell tutje albinfo.ch.