Koronavirusi: çast pas çasti
Paris: Qytetarët largohen drejt fshatit për të kaluar karantinën
Trafiku rreth Parisit arriti nivele rekord vetëm disa orë para se izolimi i ri kombëtar të hynte në fuqi në të gjithë Francën.
Radhët e makinave u shtrinë për 700 km në rajonin e Ile-de-France, raportuan mediat lokale, të cilat thonë gjithashtu se shumë parisjanë po i largohen qytetit për ta kaluar karantinën në fshat.
Masat e reja të ashpra u paraqitën si një domosdoshmëri nga presidenti Emmanuel Macron, i cili e bëri të qartë se vendi rrezikon “të mbytet nga një valë e dytë e sëmundjes, e cila sipas tij do të jetë padyshim shumë më e vështirë se e para”, transmeton TCH, përcjell albinfo.ch.
Vdekjet ditore nga Covid-19 në Francë janë në nivelin më të lartë që prej muajit prill; të enjten autoritetet raportuan 47,637 raste të reja dhe 250 vdekje.
Kancelarja Angela Merkel po ashtu paralajmëroi për një dimër të vështirë teksa mbronte vendimin për të nisur në Gjermani një izolim të butë kombëtar.
Masat që do të nisin së zbatuari në nëntor janë më pak të ashpra se ato të pranverës, dhe përfshijnë mbylljen e restoranteve, bareve, palestrave, kinemave apo teatrove, sqaroi Merkel, sipas të cilës sistemi shëndetësor gjerman është ende në gjendje ta përballojë sfidën e koronavirusit, por me rritjen aktuale të infektimeve, kapacitetet e spitaleve mund të arrijnë në limitet e tyre brenda disa javësh. Me një shtim të rasteve po përballet këtë periudhë e gjithë Evropa.
Italia, epiqendra fillestare e pandemisë, ka vendosur tashmë masa të rrepta izoluese që do të jenë në fuqi për një muaj, e Spanja gjithashtu në 25 tetor nisi ndalim qarkullimin pasi qeveria shpalli gjendjen e jashtëzakonshme.
E-Diaspora
-
Prokuroria kërkon 18 vjet burgim për autorin e vrasjes së Shqiponja Isufit Shqiptari 49-vjeçar nga Maqedonia, me shtetësi zvicerane, akuzohet se ka vrarë gruan e tij në shtator...
-
Adem Dalipi vendos shallin me shqiponjë në diplomimin e tij në Amerikë
-
Rama takohet me emigrantët shqiptarë në Milano më 26 maj
-
Nesër është dita e fundit e regjistrimit të diasporës
-
Romë
Një kompani e drejtuar nga shqiptari, shpallet kompania më e suksesshme në Itali
Jeta në Zvicër
-
A mund të mbulohen së shpejti syzet dhe lentet e kontaktit nga sigurimi shëndetësor zviceran? Sistemi shëndetësor zviceran renditet ndër më të mirët në botë, por disa gjëra thelbësore, si syzet,...
-
Po bëhet presion që Eurovizioni të organizohet në Gjenevë
-
Kompania kosovare që mobiloi resorte botërore
-
Rruga Gotthard Pass mbetet e mbyllur gjatë “Pentecost”
-
Sulmi në Zofingen: Hetim penal ndaj 43-vjeçarit spanjoll