Shkurt.ch
Pas 2 vjetësh “pauze”, Zvicra dëbon një azilkërkues në Afganistan
SEM: "Pas bllokadës pothuaj dyvjeçare, u arrit në mars të realizohet sërish një dëbim me përcjellje policore”
Gjatë dy vjetëve të fundit, Zvicra nuk kishte dëbuar në Afganistan asnjë azilkërkues, edhe kua ata kishin vendimin për dëbim nga vendi. Ky trend i mosdëbimit ishte ndjekur pasi që në shtator të vitit 2017 kishte dështuar dëbimi kundër vullnetit të tij në Afganistan i një azilkërkuesi. Prej atëherë nuk kishte pasur asnjë dëbim në këtë zonë krize.
Kështu ishte deri në muajin mars të këtij viti, kur ishte bërë një provë, e cila edhe kishte pasur sukses, shkruan “SonntagsBlick”. Gazeta i referohet këtu një dokumenti intern të Sekretariatit Shtetëror për Migracion (SEM). Aty thuhet se: “pas bllokadës pothuaj dyvjeçare, u arrit në mars të realizohet sërish një dëbim me përcjellje policore”, transmeton albinfo.ch. Kjo ndodhi edhe pse dëbimet në Afganistan, për shkak të gjendjes së tensionuar atje, janë shumë të kontestuara. Ato edhe në vende tjera, si në Gjermani, ngjallin debate të ashpra.
Sipas gazetës, edhe në një vend tjetër ka ndodhur këtë vit një rast dëbimi, pas bllokadës disavjeçare. Fjala është për dëbimin e një azilkërkuesi në Somali.
Në dokumentin e SEM-it ashtu si dhe në artikullin e gazetës, nuk jepen detaje për personat konkretë të dëbuar. Por në atë dokument SEM-i vetëlavderohet për efikasitetin e vet. “Zvicra, në rrafshin evropian, numërohet si njëri ndër vendet më efikase për realizimin e kthimit”, përcjell albinfo.ch. Kështu, nëse në Zvicër mesatarja e dëbimit të azilkërkuesve në vendet e tyre arrin në 56% , në shtetet e BE-së kjo mesatare është 36%.
Të ngjashme
Të tjera nga Shkurt.ch
E-Diaspora
-
Shkëlqimi shqiptar dhe eleganca e kohëve të shkuara në ekspozitën e Kristian Zefit Në këtë ekspozitë, në Rothrist (Aargau) do të paraqiten instrumenta tradicionale, artefakte etnografike dhe kostume të...
-
SH.K.A “Dardania” përfaqëson Shqipërinë e Kosovën në Festivalin në Winterthur
-
Adoleshenti kosovar, i dyshuar për ISIS, e quan veten “Bombarduesi”
-
Nju-Jork: Artisti Petrit Halilaj, në majë të Muzeut Metropolitan
-
Marigona Qerkezi do të debutojë në teatrin e St.Gallenit