Tematike
Udhëtarët detyrojnë fluturimin në Tiranë, shkaktohet problem politik në Hamburg
Aeroplani nga Tirana kishte ardhur vonë prandaj nuk u lejua të fluturonte nga ora 23:00 për shkak të ndalimit të fluturimit të natës që është në fuqi në Hamburg
250 pasagjerë kanë pritur plot 24 orë nisjen e tyre me aeroplan për në Tiranë në Aeroportin e Hamburgut. Pastaj ata zbulojnë se aeroplani i tyre nuk lejohet të fluturojë për shkak të rregullit për mbrojtje nga zhurma, shkruan dpa.de.
Policia me këtë rast ka bërë një përjashtim, i cili kritikohet ashpër nga e majta.
Rreth 250 udhëtarë, përfshirë familjet me fëmijë dhe të moshuar, donin të fluturonin për në kryeqytetin shqiptar me Wizz Air më 4 korrik, ka njoftuar Senati në përgjigje të një pyetjje të bërë nga grupi parlamentar i krahut të majtë, transmeton albinfo.ch. Por fluturimi u anulua.
Ditën tjetër, aeroplani nga Tirana kishte ardhur aq vonë sa që nuk u lejua të fluturonte përsëri nga ora 23:00 për shkak të ndalimit të fluturimit të natës që është në fuqi në Hamburg.
Kur udhëtarët mësuan se nuk do të ngriheshin më në mbrëmjen e vonë të 5 korrikut, aty pati protesta. Sipas informacionit, pasagjerët tashmë kishin vulën e daljes dhe, nëse nuk fluturonin atë natë, do t`u duhej që të nesërmen të bënin përsëri kontrollin e sigurisë dhe testet e koronës.
“Pasagjerët u bënë atëherë verbalisht agresivë dhe refuzuan të largoheshin nga zona e sigurisë”, thuihet në përgjigjen e Senatit.
Policia federale ka thirrur atëherë policinë e Hamburgut për ndihmë, e cila ka ardhur në aeroport me 16 vetura patrullimi.
Zyrtari i autorizuar për mbrojtjen nga zhurma e fluturimeve, ka refuzuar dy aplikime nga Wizz Air për të bërë një përjashtim, njofton Senati. Vetëm kur komanda e policisë federale ndërhyri pak para mesnatës, zyrtarët e mbrojtjes nga zhurma lëshuan pe. Aeroplani u nis më në fund më 6 korrik në 1:41 të pas mesnatës.
Kritika nga grupi i majtë në Parlamentin e Hamburgut
Grupi i majtë në Parlamentin e Hamburgut ka kritikuar përjashtimin e bërë, përcjell albinfo.ch.
“Në rrethana të tilla ekstreme, unë pres që agjensitë qeveritare të jenë fleksibile për skadimin e afateve në dokumentet e udhëtimit ose për konfirmimet e testeve të koronës që skadojnë – diçka e tillë nuk duhet të bëhet argument për heqjen e ndalimit të fluturimit të natës”, ka thënë zëdhënësi i politikës mjedisore i këtij grupi parlamentar, Stephan Jersch.
Jersch ka bërë thirrje që kompania ajrore të mbahet përgjegjëse, transmeton albinfo.ch. Wizz Air duhet të paguajë kostot e vendosjes dhe të kërkohet të paguajë për fillimin e natës.
Të ngjashme
Të tjera nga Tematike
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane