Jeta në Zvicër

Pasaportat zvicerane: Nga 1 janari 2019, do të shihet data e lindjes

Që nga viti 2019, në pasaportat e shtetasve zviceranë, data e lindjes së të cilëve është e panjohur, do të shënohet data e 1 janarit. Departamenti Federal zviceran i Drejtësisë dhe Policisë (DFJP) siguron përgjigje të shpejtë dhe pragmatike për qytetarët e interesuar, ndonjëherë të shqetësuar kur udhëtojnë.

Shpeshherë është e domosdoshme të jepet një datë e saktë e lindjes, për shembull për një biletë avioni apo rezervim të një dhomë hoteli online, informon Albinfo.ch.

Por deri më tani, në pasaportat e shtetasve zviceranë, data e saktë e lindjes e të cilëve ka qenë zyrtarisht e panjohur, ose nuk ka mundur të verifikohet, është shënuar vetëm viti i lindjes. Dita dhe muaji i lindjes zëvendësoheshin me numrin 0, shkruan albinfo.ch.

Kjo ka mundur t`i sjellë në situata të pakëndshme dhe të paraqesë pengesë të madhe shtetasit e prekur zviceranë, veçanërisht gjatë udhëtimit jashtë vendit ose gjatë kontrollit nga organe të caktuara, njofton Albinfo.ch. Për të eliminuar këtë paragjykim, DFJP-ja ndryshoi urdhrin për dokumentet e identitetit të shtetasve zviceranë.

Nga ky fenomen janë të prekur rreth 800 qytetarë.