Pendarovski: Dështuam në zbatimin e masave për koronavirusin

Facebook

Presidenti Stevo Pendarovski në intervistën javore për “Radio Evropa e Lirë” ka deklaruar se një pjesë e shoqërisë dështoi në zbatimin e masave parandaluese ndaj virusit. Sipas tij, përgjegjësia bie pjesërisht mbi Qeverinë, mbi bashkësitë fetare dhe mbi ata qytetarë që refuzuan t’i zbatojnë.

“Në nivel të zgjidhjes sistematike kundër pandemisë, mendoj se shteti ynë aspak nuk u dallua as nga vendet fqinje dhe as nga shtetet e tjera të botës, për më shumë ose më pak. Praktikisht baza e masave ishin rekomandimet e OBSH-së. Në pjesën e zbatimit të masave ne dështuam, si shtet flas, por ky nuk është dështim i Qeverisë në tërësi. Ishte dështim i disa segmenteve të rëndësishme të shoqërisë dhe kuptohet dështim i një pjese të qytetarëve, të cilët edhe sot nuk janë të vetëdijshëm se ato masa duhet të respektohen. Unë mendoj se një pjesë e Qeverisë, me atë që në mënyrë selektive i zbatuan masat dhe rregullat, konkretisht sa u takon bashkësive fetare, mendoj se ndikuan në mënyrë plotësuese të shpërndahet virusi. Megjithatë, nuk mund t’i shkyçni nga përgjegjësia edhe krerët fetarë, ose drejtuesit fetarë rajonalë në BFI dhe KOM, të cilët vepruan tërësisht me papërgjegjësi ndaj shëndetit të tyre dhe shëndetit të besimtarëve, mes tjerash”, deklaroi Stevo Pendarovski, President i shtetit, përcjell Albinfo.ch.