Për katër ditë në Kosovë, afro 1 mijë raste të reja me Covid

Ilustrim Foto: Arben Llapashtica

Referuar statistikave të dhëna nga Instituti i Shëndetësisë, që nga e hëna e deri të enjten në Kosovë janë regjistruar 967 raste të reja me koronavirus, transmeton albinfo.ch.

Në shumë shtete të botës sërish është rritur numri i të infektuarve, ngjashëm edhe në Kosovë është një rritje e rasteve të reja me koronavirus, por me përmasa më të vogla në raport me shtetet e tjera ballkanike.

Sipas të dhënave zyrtare të Institutit Kombëtar të Shëndetësisë Publike të Kosovës (IKSHPK), që nga e hëna (26 tetor 2020), e deri të hënën janë regjistruar 967 raste të reja me koronavirus.

Nga ana tjetër, numri i përgjithshëm i të infektuarve me koronavirus që nga muaj mars e deri më tani ka arritur në 18 mijë e 910.

IKSHPK-ja bën me dije se që nga fillimi i pandemisë e deri më tani nga COVID-19 janë regjistruar 674 raste të vdekjes.

Në anën tjetër, janë gjithsej 15 mijë e 367 pacientë, të cilët kanë arritur që të shërohen plotësisht nga koronavirusi.

Aktualisht në Kosovë janë 2 mijë e 869 raste aktive me COVID-19. /Albinfo.ch