Për tre muaj, kapen 10 mijë emigrantë ilegalë në Turqi

Foto Ilustrim

Rreth 10 mijë emigrantë të paligjshëm janë grumbulluar përreth Detit Egje në Turqi vetëm tre muajt e fundit, sipas njoftimeve nga burimet e sigurisë.

Njësitë e rojës bregdetare kanë kapur 5972 emigrantë. Gjashtë emigrantë kanë humbur jetën, ndërsa 15 kontrabandistë janë arrestuar, shkruan Yeni Safak, transmeton në shqip albinfo.ch.

Kurse nga forcat tokësore janë kapur 3919 emigrantë dhe 82 persona të dyshuar si kontrabandistë.

Turqia ka qenë rrugë kryesore për vite me radhë për emigrantët që përpiqeshin të kalonin në Europë, sidomos prej vitit 2011, kur edhe filloi lufta në Siri.

Sipas Ministrisë së Brendshme të Turqisë, vitin e kaluar ishin 256 mijë emigrantë ilegal, përcjell albinfo.ch.