Përfaqësuesit e bizneseve kroate shprehën interesim për investime në Kosovë

Pas takimeve B2B në kuadër të Forumit Ekonomik ndërmjet Kosovës dhe Kroacisë, përfaqësues të 50 bizneseve kroate vizituan Parkun e Biznesit në Drenas dhe Parkun e Inovacionit dhe Trajnimit (ITP) në Prizren, përcjell albinfo.ch.

Nën organizimin e Agjencisë për Investime dhe Përkrahjen e Ndërmarrjeve në Kosovë (KIESA), të shoqëruar edhe nga zv. ministri i Industrisë, Ndërmarrësisë dhe Tregtisë, z. Mentor Arifaj, kolegë të kabinetit MINT dhe  KIESA si dhe Ambasadori i Kosovës në Kroaci, z.Martin Berishaj, e deputetja në Parlamentin kroat, znj. Ermina Lekaj – Prlaskaj, u njoftuan rreth infrastrukturës dhe mundësive për investime në Republikën e Kosovës.

Përfaqësuesit e bizneseve kroate shprehën interesimin e tyre të lartë që të vazhdojnë kontaktet dhe bashkëpunimet me bizneset në vendin tonë.

 

---