Përhapet panik në Kosovë, paralajmërohen sulme terroriste

Megjithatë Policia e Kosovës thotë se nuk ka rrezik për sulme dhe se kjo është tendencë për krijim të panikut

KEYSTONE 2019

Gjatë ditës së sotme nëpër mediat e Kosovës u raportua se nesër mund të ketë rrezik për sulme terroriste në qendra tregtare në Kosovë.

Këto raportime thirreshin kryesisht në burime diplomatike, sipas të cilave ambasadat e akredituara në Kosovë kanë.paralajmëruar shtetasit e vet që të mos frekuentojnë qendrat tregtare.

Mirëpo, burime brenda institucioneve të sigurisë në Republikën e Kosovës konfirmuan për IndeksOnline se s’ka rrezik për ndonjë sulm të mundshëm.

E gjithë kjo, sipas këtyre burimeve të sigurta, u bë për shkak të krijimit të panikut.

Lidhur me këtë Policia e Kosovës ka folur për Telegrafin.

“Policia e Kosovës është institucion i zbatimit të ligjit dhe konform autorizimeve ligjore që ka trajton çdo informacion apo çështje e cila ndërlidhet me fushëveprimin policor”, thuhet në përgjigjen e Policisë.

Më tej, Policia thotë se “varësisht nga natyra e informacionit dhe rezultimit të të gjeturave, ndërmerr veprimet e saja operacionale në bashkëpunim dhe koordinim me organet e drejtësisë, në interes të ruajtjes së rendit dhe sigurisë publike në vend”, ka thënë policia, transmeton Albinfo.ch.

LAJME INTERESANTE NGA INTERNETI