Përkrahja zvicerane për zhvillimin e turizmit në rajonin e Pejës

Që nga viti 2014 organizata Swisscontact bashkëpunon me Komunën e Pejës dhe përfaqësues të sektorit privat për zhvillimin e mëtejshëm të turizmit në këtë rajon.

Përmes projektit Promovimi i Punësimit në Sektorin Privat (PPSE) që financohet nga Agjencia Zvicerane për Zhvillim dhe Bashkëpunim (SDC), në Pejë janë zhvilluar një sërë aktivitetesh në fushën e zhvillimit të turizmit, që kanë kontribuuar në rritjen e punësimit dhe të të hyrave për komunitetin lokal. Këto aktivitete janë fokusuar në koordinimin dhe menaxhimin e destinacionit, promovimin e tij, përmirësimin e ofertës turistike dhe të shërbimeve turistike.

Në bashkëpunim me Komunën e Pejës dhe të aktorëve të turizmit janë zhvilluar disa produkte që i kontribuojnë pasurimit të ofertës turistike, rritjes së numrit të turistëve, të cilët qëndrojnë më gjatë dhe shpenzojnë më shumë në destinacion. Aktivitetet e bashkëpunimit gjithashtu kanë ndikuar në përmirësimin e atraksioneve turistike, si dhe në promovimin ndërkombëtar të Kosovës dhe Pejës si destinacione.

Lista e aktiviteteve dhe produkteve të zhvilluara me përkrahjen e Swisscontact:

Via Ferrata

Zipline

Shpella e Radavcit

Parku i Aventurave

Snow-shoeing (ecje në dëborë)

Turizmi shëndetësor

Skijimi natën dhe traka lëvizëse

Biçiklizëm

Guidimi i vetvetes (self-guiding)

Markim i shtigjeve

Trajnimi i guidave malore

Renovimi i dhjetë bujtinave në zonën e Bjeshkëve të Nemuna

Menaxhimi i destinacionit sipas rrjedhës së vizitorëve

Promovimi i ofertës turistike

 

---