Shqipëria
Përkujtohet 30-vjetori i eksodit të shqiptarëve me anijen “Vlora”
Tridhjetë vjet më parë, anija Vlora mbërriti në brigjet e Barit, në Itali, me 20 mijë shqiptarë, që vinin nga ana tjetër e Adriatikut
8 gushti 1991 njihet ndryshe si eksodi i shqiptarëve, të cilët mbi një anije mallrash lundruan drejt Italisë.
Presidenti i Republikës, Ilir Meta, përkujtoi sot 8 gushtin 1991, teksa publikoi foto të anijeve të ngarkuara “me shpresë”.
“Si sot 30 vjet më parë, më 8 gusht 1991, rreth 20 mijë shqiptarë zbarkuan në brigjet e Italisë, në kërkim të lirisë dhe shpresës, duke i dëshmuar botës tragjedinë dhe mjerimin e popullit më të shtypur dhe të izoluar të kontinentit”, shprehet Meta, përcjell Albinfo.ch.
Anija ‘Vlora’, me gjithë simbolikën, emocionet e forta dhe kujtimet e gjalla që risjell, vijon mesazhi i Presidentit, na fton për një reflektim të thellë mbi sakrificat e jashtëzakonshme njerëzore, në emër të së cilave duhet të punojmë, për të ndërtuar një të ardhme më të mirë dhe dinjitoze për qytetarët tanë, veçanërisht kur shpopullimi është drama më e madhe, që po i ndodh vendit, transmeton Atsh.
Balla: Eksodi nëpërmjet anijes tregtare Vlora ishte një nga episodet më dramatike
Sekretari i Përgjithshëm i Partisë Socialiste, Taulant Balla, përkujtoi këtë ditë, teksa u shpreh se eksodi nëpërmjet anijes tregtare Vlora ishte një nga episodet më dramatike, pamjet e të cilit bënë xhiron e gjithë botës.
“Homazh! Sot 30 vite më parë, më 8 gusht 1991 mbërrinte në Bari anija tregtare Vlora, e nisur nga Durrësi, e cila mbante në bord rreth 20 mijë vëllezër dhe motra shqiptarë. Eksodi nëpërmjet anijes tregtare Vlora ishte një nga episodet më dramatike, pamjet e të cilit bënë xhiron e gjithë botës”, u shpreh Balla.
Veliaj: Ilustrimi unik i aspiratës për liri
Kryetari i Bashkisë së Tiranës, Erion Veliaj, ka zgjedhur të publikojë mëngjesin e kësaj fundjave një foto të veçantë të 30 viteve më parë, e cila u bë ilustrimi unik i aspiratës së shqiptarëve për liri pas diktaturës komuniste.
“8 gusht 1991 – 30 vjet anija Vlora Kjo foto e shkrepur nga barezi 16 vjeçar, Lorenzo Turi u bë ilustrimi unik i aspiratës së shqiptarëve për liri pas diktaturës komuniste, por dhe shembulli më i madh i mikpritjes në Bari e më pas gjithë Italinë! Le të mos harrojmë”, shkruan Veliaj.
Më 8 gusht 1991, qytetarë të mbledhur nga të 4 anët e vendit, të vuajtur dhe të varfër, thyen barrierat dhe frikën, duke tejmbushur anijen “Vlora”, e ankoruar në Portin e Durrësit.
Njerëzit qëndronin ku të mundnin, hipnin përmes litarëve dhe kërkonin lirinë dhe “tokën e premtuar”, Italinë.
Të tjera nga Shqipëria
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Zvicër
-
Të dhënat e pasagjerëve ajror duhet të jenë në gjendje të përdoren nga policia Mbledhja e të dhënave të caktuara nga pasagjerët e ajrorë dhe ruajtja e tyre për një...
-
Zvicër: Një burrë plagos disa persona në Zofingen
-
Kompanitë e sigurimeve shëndetësore duhet të paguajnë për syzet, me paratë e taksave
-
Wiedikon: Vendasit, të indinjuar me qiratë e larta
-
Gjendet viktima e fundit e ortekut të prillit