Lajme
Përmbytje në Evropë, evakuime në Francë e Spanjë

Shirat e dendur kanë pushtuar një pjesë të madhe të Francës jugperëndimore, duke sjellë vërshime të lumenjve. Me dhjetëra banorë janë detyruar të evakuohen nga banesat e tyre.
Erërat e ngrohta jugore që kanë shkrirë borën në malet Pirenej ditët e fundit kanë ndikuar edhe më shumë në përkeqësimin e situatës së përmbytjeve, të cilat pritet të vijojnë edhe në orët në vijim.
“Uji po ngrihej shumë, menduam të rrinim brenda, se nuk donim të dilnim nga shtëpia, zjarrfikësit na çuan në shtëpinë e të moshuarve, deri kur do të qëndrojmë, nuk e di”, u shpreh Maria, banore e evakuuar në një shtëpi të moshuarish.
Situata është më e keqe se në vitet 2018-2019 dhe kjo është e paimagjinueshme, shprehet një tjetër banor i evakuar.
Agjencia e motit Meteo France paralajmëron për rreziqe të larta orteku në Pirenej, të cilët ndajnë Francën nga Spanja, edhe në këto zona raportohet për përmbytje.
Përmbytjet e forta në rajonet veriore të Spanjës dhe Navarrës zhytën nën ujë dhjetëra makina dhe shtëpi. Të paktën një person humbi jetën. Për shkak të shirave të dendur, lumenjtë vijojnë të dalin nga shtrati.
“Nuk mbaj mend kaq shumë përmbytje. Unë supozoj se i gjithë uji është bashkuar, me borën dhe daljen e ujit të rezervuarëve. Është vërtet e paimagjinueshme”, tha një banor.
Lumi Arga në rajonin e Navarrës të Spanjës doli nga shtrati. Trafiku është ndërprerë dhe disa familje që banojnë buzë lumit janë evakuuar. Bashkimi i tre lumenjve, Arga, Aragón dhe lumi Ebro, po monitorohen, pasi Konfederata Hidrografike e lumit Ebro konsideron se do të arrijë kulmin maksimal gjatë ditës së diel./Euronews
Të ngjashme
Të tjera nga Lajme
E-Diaspora
-
Gjykata Federale refuzon lirimin me kusht të kosovarit që ka vrarë gruan Sipas Gjykatës Federale, personi i dënuar për vrasjen e kryer në vitin 2009 identifikohet fuqishëm me...
-
Ambasada gjermane ka pezulluar dhënien e vizave të punës deri në vitin 2026
-
Diaspora voton më 8 shkurt në përfaqësitë diplomatike
-
13-vjeçaren shqiptare nga Italia i dashuri e hodhi nga tarraca
-
Sulmi që tronditi Suedinë, shqiptarja i shpëtoi për mrekulli agresorit
Jeta në Zvicër
-
Ngrirja e ndihmave të SHBA-së privon sektorin humanitar zviceran nga financimi i konsiderueshëm Agjencia e Shteteve të Bashkuara për Zhvillim Ndërkombëtar (USAID), e cila do të ndërpresë veprimtarinë të...
-
Pse nuk mund të lyeni pjesën e jashtme të shtëpisë tuaj zvicerane me çdo ngjyrë që dëshironi?
-
Gjykata Federale refuzon lirimin me kusht të kosovarit që ka vrarë gruan
-
Gjashtë mashtrime me qira në Zvicër, që banorët e huaj duhet të shmangin
-
Televizioni publik zviceran do të shkurtojë 50 vende pune