Lajme

Perspektiva ekonomike e Zvicrës u dobësua, por nuk u shkatërrua

Ministria zvicerane e Ekonomisë ka ulur parashikimin e saj të rritjes për vitin 2022 për shkak të luftës në Ukrainë. Por, ende parashikon një ngritje solide pas pandemisë, shkruan swissinfo.ch, përcjell albinfo.ch.

Pas disa vjetësh të ndikuar nga Covid-19, viti 2022 duhet të shohë akoma rritje të prodhimit të brendshëm bruto (PBB) zviceran me 2.8%, tha të hënën Sekretariati Shtetëror për Çështjet Ekonomike (Seco) në një vlerësim tremujor – nga 3% parashikuar dhjetorin e kaluar.

Ndërsa lufta do të ketë një ndikim, lidhjet ekonomike zvicerane me Rusinë dhe Ukrainën janë relativisht të kufizuara, tha Seco.

Javën e kaluar monedhat iu afruan barazisë, me frangun që arriti nivelin më të lartë kundrejt euros që nga janari 2015. Seco tha se monedha e fortë po frenon gjithashtu inflacionin, i cili megjithatë pret të rritet ndjeshëm këtë vit për të arritur në 1.9%, përcjell tutje albinfo.ch.


LAJME INTERESANTE NGA INTERNETI