Kosova

Pesë pjesëtarë të FSK-së infektohen me COVID-19

E enjte, 18 Qershor 2020 - 8:20 albinfo.ch
EPA/STRINGER/KEYSTONE

Në një intervistë të shkurtër, kryetari i Drenasit, Ramiz Lladrovci, thotë për RTV Dukagjinin se këto raste e kanë burimin e infeksionit nga kazerma e FSK-së.

“Pesë personat që sonte kanë dalë pozitiv janë burim kontakti nga kazerma “Adem Jashari”. Ata janë infektuar nga një pjesëtar i FSK-së që është edhe pjesëtar i Vetëvendosjes. Ai është pjesëtar i Vetëvendosjes dhe ka marrë pjesë në protestën e tyre nga ku edhe e ka marrë infeksionin”, tha ai, përcjell Telegrafi.

Po ashtu, Lladrovci thotë se i njëjti person ka marrë vërejtje para disa ditëve për shkak të komenteve që ka bërë në rrjete sociale.

“Asnjë pjesëtar i FSK-së nuk ka të drejtë të bëjë komente politike. Personi i tillë është nga Mitrovica”.

Lladrovci thotë se pjesëtarët e FSK-së nga Drenasi të infektuar nuk kanë simptoma, por që kanë rezultuar pozitiv me COVID-19.

 Të ngjashme

Ushtarët e FSK-së krijojnë portretin e Adem Jasharit

 Të tjera nga Kosova

Denoncon avokati Koci: Dyshime se një familjeje kosovare iu morën 2000 euro në kufirin Serbi–Kroaci

 E-Diaspora

 Jeta në Zvicër