Kosova

Policia e Kosovës jep detaje për vrasjen e Qerim Kelmendit

Policia e Kosovës ka mbajtur një konferencë të jashtëzakonshme për media pas vrasjes së ish-ushtarit të UÇK-së, Qerim Kelmendi, në Zahaq të Pejës. Mirëpo, përveç detajeve të bëra të ditura gjatë ditës, Policia nuk ka dhënë ndonjë informacion të ri, teksa janë pyetur edhe për faktin se cilat mund të jenë motivet e rastit. Nga Policia e Kosovës kanë thënë se për momentin nuk mund të flitet asgjë për rastin, apo për motivet përveç detajeve zyrtare, deri pas daljes së autopsisë.

Ata kanë thënë se dyshohet se Kelmendi së pari është vrarë me armë zjarri, teksa më pas është djegur brenda veturës.“Për momentin nuk kemi diçka për të theksuar në këtë drejtim, përveç që dyshohet se ai është vrarë me armë zjarri, sidoqoftë pas raportit të autopsisë ne do të dimë më shumë”, kanë thënë nga Policia teksa janë pyetur për motivet e mundshme.