Bota
Porosi për ‘shefat’: Punëtorët duhet të punojnë 4 ditë në javë
Vitin e kaluar, kompania Planio, me seli në Berlin, vuri në zbatim javën e punës me 4 ditë në javë për stafin e saj me pak punonjës
Nëse dëshironi që punonjësit tuaj të jenë më produktivë, jepuni atyre një ditë pushim të paguar çdo javë.
Kjo është filozofia e Andrew Barnes, themelues i kompanisë “Perpetual Garden” në Zelandën e Re.
Ai e bëri eksperimentin vitin e kaluar dhe në fund, si Barnes edhe punonjësit e tij, ishin të lumtur. Tani, punonjësit e kompanisë punojnë 4 ditë në javë.
“Kjo do të thotë të punosh në mënyrë më inteligjente, dhe jo më gjatë” tha Barnes, kompania e të cilit menaxhon testamente dhe pasuri të patundshme.
“Ne kemi perceptimin se duhet të punojmë 5 ditë në javë, në orarin 9:00 – 17:00. Ajo që ne po përpiqemi të bëjmë është të ndryshojmë mënyrën se si njerëzit sillen kur janë në zyrë”, ka thënë Barnes për CNBC.
“Ky është një sukses, pasi punonjësit përfitojnë nga ky avantazh dhe përqendrohen më shumë në punë gjatë asaj kohe se sa ata që punojnë 5 ditë në javë”, thotë Barnes, transmeton ‘monitor’.
Studime të ndryshme e mbështesin këtë gjë. Sipas një studimi të Vouchercloud në Britaninë e Madhe në vitin 2017, mesatarisht një punonjës është i përqendruar rreth 2 orë e 53 minuta në punë. Workforce Institute at Kronos, në një studim të vitit 2018, gjeti se më shumë se gjysma e punonjësve me kohë të plotë mendonin se mund ta bënin punën e tyre në pesë orë, nëse gjatë kësaj kohe nuk do të ndërpriteshin në punën e tyre. Sondazhi mori në pyetje 3 mijë persona në 8 shtete, përcjell albinfo.ch.
Barnes shpreson që kompani të tjera të mësojnë nga përvoja e tij. Kohët e fundit ai ka shkruar një raport ku paraqet rezultatet e tij dhe disa rekomandime se si mund të zbatohet një plan i ngjashëm.
Megjithatë, ai thotë se shumë kompani janë të “frikësuara” ta ndërmarrin këtë rrezik, pasi janë të kushtëzuara nga një javë pune me 5 ditë.
“Kjo përmirëson produktivitetin por në të njëjtën kohë krijon edhe një ekuilibër më të madh mes jetës profesionale dhe asaj personale [dhe] punonjës më të shëndetshëm, besnikë dhe të angazhuar”, shton Barnes.
Barnes nuk është i vetmi që ka kuptuar avantazhet e një jave pune me 4 ditë. Vitin e kaluar, kompania Planio, me seli në Berlin, vuri në zbatim javën e punës me 4 ditë në javë për stafin e saj me pak punonjës. Edhe agjencia Grey, me seli në Nju Jork, e cila zotërohet nga WPP, u ka dhënë mundësinë punonjësve të saj të punojnë 4 ditë në javë.
E-Diaspora
-
Bashkëpunim mes studentëve të Universitetit të Lucernit dhe atyre nga Maqedonia Sot u shënua fillimi i javës së dytë përforcuese në Shtip mes studentëve nga Universiteti i...
-
Bashkëpunim mes Kosovës dhe Suedisë në fushën e teknologjisë
-
Gjykimi i shqiptarit për vrasjen e dyfishtë në Bazel, nën masa të forta sigurie
-
Dikur i mbylli, LDK tani me prioritet riaktivizon nëndegët në mërgatë
-
Shoqata ‘Smira” mbledh bashkatdhetarët në Gjenevë
Jeta në Zvicër
-
Lojë shpërblyese: Fitoni bileta për të shikuar njërin nga 27 filmat në Kino Kosova Platforma mediale albinfo.ch është partner medial i edicionit të katërt të Kino Kosova...
-
Shkurtimet për financimin e arsimit dhe kërkimit në Zvicër ngjallin shqetësime
-
Mjekët milionerë në Zvicër
-
I dënuari për vrasjen e dyfishtë në Bazel: Nuk e dija se armët ishin të vërteta!
-
Miliarderi zviceran jep 243 milionë dollarë për demokratët amerikanë, “çmenden” republikanët