Shqipëria
Pranvera shton turizmin në Korçë
Korça mbetet një prej destinacioneve turistike më të rëndësishme në vendin tonë. Në çdo stinë, turistë të shumtë i drejtohen qytetit juglindor dhe rrethinave të saj, për të shijuar fundjavat e tyre të ndërthurura mes turizmit historik, kulturor, por edhe gjelbërimit.
Pas një dimri të gjatë, pranvera ia ka shumëfishuar vizitorët qytetit të Korçës, të cilët vijnë jo vetëm nga Shqipëria, por edhe turistë nga jashtë saj, shkruan TCH, përcjell Albinfo.ch.
“Unë jam nga Greqia dhe kam ardhur të vizitoj Korçën, jam nga Follorina. Është hera e parë që vij të vizitoj qytetin, ndërsa për miqtë tanë është hera e dytë. Nuk e prisnim që të shihnim një qytet kaq të bukur, është mbresëlënës dhe interesant. Padiskutim ne erdhëm këtu për historinë, të shohim gjërat historike. Pamë Bulevardin ‘Republika’ dhe Katedralen në qendër. Miqtë tanë, që kanë qenë këtu 5 vite më parë, na thanë që ky qytet është plotësisht ndryshe. Jemi të kënaqur”, tha turisti i huaj grek.
“Kam qenë këtu 5 vite më parë dhe vizitova këtë vend që ishte ‘Pazari i vjetër’. Shoh një ndryshim të madh. Këtu kishte njerëz që shisnin, ndërsa tani shoh shumë ndryshime. Është një qytet shumë i bukur. Gjithashtu kam qenë edhe në Voskopojë, është një vend shumë interesant”, thotë një vizitor nga Tirana.
Çdo ditë e më tepër, në Korçë, Dardhë e Voskopojë janë duke u shtuar bujtinat. 20% më shumë shtretër do të presin këtë sezon turistik, vizitorët nga vendi, por edhe turistët nga jashtë tij, për t’iu ofruar atyre mikpritjen korçare me tradita, kulinari, por edhe elementë të tjerë historikë e kulturorë, të cilët i bëjnë pushimet e tyre edhe më të veçanta.
Të ngjashme
Të tjera nga Shqipëria
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Ndërprerje e transportit publik në Gjenevë Priten ndërprerje të mëdha në linjat 15 dhe 17 të rrjetit të TPG gjatë një pjese...
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së