Prej 17 prillit, Maqedoni-Kosovë vetëm me letërnjoftime

Ambasadori i Kosovës në Maqedoni, Ylber Hysa tha se nga 17 prilli hyjnë në fuqi marrëveshja për kalimin e kufijve me letërnjoftime ndërmjet Kosovës dhe Maqedonisë

Nga data 17 prill i këtij viti, do të hyjë në fuqi marrëveshja për kalimin e kufijve me letërnjoftime mes Maqedonisë dhe Kosovës. Kështu ka deklaruar ambasadori i Republikës së Kosovës në Maqedoni, Ylber Hysa në mediat lokale të Shkupit.

Ai tha se të premten kanë zhvilluar takim me përfaqësues të Ministrisë së Punëve të Jashtme të Maqedonisë, ku i kanë informuar se nga ana kosovare gjithçka është e kryer. Sipas tij, tani qytetarët e dyja shteteve, do të lëvizin lirshëm dhe pa pasaporta në të dy anët e kufirit, tramenton INA.

Ndryshe, me 8 shkurt 2016, ish-zëvendëskryeministri dhe njëherësh ish- ministri i Punëve të Jashtme i Republikës së Kosovës, Hashim Thaçi dhe ministri i Punëve të Jashtme i Republikës së Maqedonisë, Nikolla Poposki, nënshkruar marrëveshjen ndërshtetërore për kalimin e kufirit me letërnjoftim dhe për hapjen e vendkalimit të ri kufitar Stançiq-Bellanoc.

Pas takimit, zëvendëskryeministri Thaçi u shpreh se ky është një moment i ri për të dy shtetet, duke potencuar se nga këto marrëveshje do të përfitojnë qytetarët dhe bizneset nga Kosova dhe Maqedonia. Ndërkaq, ministri i Jashtëm i Maqedonisë, Poposki ka deklaruar se Maqedonia dhe Kosova gëzojnë marrëdhënie të hapura dhe të përzemërta tradicionale, raporton Albinfo.Ch.