Kosova

Presidenti francez: Masa ndaj Kosovës dhe Serbisë, nëse “nuk sillen me përgjegjësi”

E hënë, 28 Gusht 2023 - 13:40 albinfo.ch

Presidenti i Francës, Emmanuel Macron, ka paralajmëruar masa ndaj Kosovës dhe Serbisë, nëse siç tha ai, “nuk sillen me përgjegjësi”.

Në fjalimin e tij para ambasadorëve, Macron ka thënë se mendon që marrëveshja e Brukselit që njihet si propozimi “franko-gjerman” është rruga e duhur dhe se duhet angazhim i palëve, raporton France24, përcjell albinfo.ch.

Ai ka bërë thirrje që palët të riangazhohen edhe për organizim të zgjedhjeve të reja në katër komunat në veri të Kosovës, serbët të kthehen në institucione të Kosovës dhe ka përmendur formimin e Asociacionit, teksa u shpreh se nga autoritetet e Kosovës presin që “paqja të kthehet” në këtë pjesë.

“Franca e Gjermania kanë bërë zotime sa u përket politikave të vizave dhe çështje të tjera ekonomike, nëse palët dështojnë të sillen me përgjegjësi. Duhet të jemi vigjilentë veçanërisht në këtë aspekt, sidmos kur bëhet fjalë për stabilitetin në Ballkanin Perëndimor”, tha Macron.

 

 Të tjera nga Kosova

Kurti për gazetën austriake: Pas rezultateve përfundimtare do të bisedojmë me partitë e tjera

 E-Diaspora

 Jeta në Zvicër