Futboll
Presidenti, trajneri dhe kapiteni i Kosova Zurich: Ishim të nderuar të luajmë për Superkupë
Nesret Limani, Martin Dosch dhe Fuat Sulimani flasin për albinfo.ch
Të shtunën Feronikeli dhe Kosova Zurich kanë luajtur në Superkupën Mbarëkombëtare, ku fitoi Nikli, megjithatë, rezultati ishte në plan të dytë.
E rëndësishme ishte mikpritja e vendasve, por që skuadra shqiptare në Zvicër nuk e harron vendlindjen.
Kosova Zurich është skuadra më e suksesshme shqiptare për momentin në Zvicër, ku garon në kategorinë e katërt.
Kryetari i klubit, Nesret Limani, ka folur ekskluzivisht për albinfo.ch. “Jemi në Ligën e Katërt në Zvicër apo më të lartën. Kemi ekipin senior, junior, e kështu me radhë. Në ekipin tonë kemi lojtarë shqiptarë, por edhe të kombësive tjera. Jemi një ekip shumë i organizuar. Për ne nuk është i rëndësishëm rezultati për Superkupë, por bashkëpunimi me Unionin e Klubeve dhe jemi krenarë që kemi ardhur në Kosovë të luajmë. Në këtë ligë jemi që tre vjet dhe synojmë të kemi stabilitet, por sigurisht se në të ardhmen do të mundohemi të ngritemi një ligë më lart”, ka thënë Limani.
Trajneri Martin Dosch ka folur për cilësinë që ka në ekipin e tij. “Ne duam të shkojmë hap pas hapi dhe të kemi stabilitet e më pas të mendojmë nëse mund të arrijmë një ligë më lartë në Zvicër. Sa i përket ndeshjes së sotme, jemi shumë të nderuar që po luajmë ndaj një skuadre që ka marrë pjesë në kualifikimet e Ligës së Kampionëve dhe kjo është një sfidë mjaft e veçantë për ne”, deklaroi Dosch për albinfo.ch.
Fuat Sulimani është kapiten dhe lojtar shumëvjeçar në këtë skuadër. “Për mu është nder i madh të jem kapiten dhe të udhëheqi ekipin këtu. Jemi emocionuar sa herë jemi në Kosovë. Duam të tregojmë edhe paraqitje të mira në Kosovë, ashtu si edhe në Zvicër. Për ne është nder i madh të luajmë në Kosovë”, theksoi Sulimani.
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Ndërprerje e transportit publik në Gjenevë Priten ndërprerje të mëdha në linjat 15 dhe 17 të rrjetit të TPG gjatë një pjese...
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria
-
Hana nga Zvicra, Perla që u zbukuron gëzimet tuaja
-
Pensioni i 13-të i AHV-së do të financohet nga kontributet e punonjësve ose nga një rritje e TVSH-së