Kosova

Presidentja Osmani në Zvicër: I tregova botës rrëfimin e popullit të Kosovës

Presidentja e vendit, Vjosa Osmani, është duke qëndruar në Zvicër, përcjell albinfo.ch.

Osmani ka publikuar një video me përmbledhje nga pjesëmarrja e saj në Samitin për Paqe që është mbajtur në Zvicër.

Presidentja përgjatë qëndrimit atje ka zhvilluar disa takime me liderë të ndryshëm botërorë.

Ajo po ashtu pati edhe një bashkëbisedim me kancelarin gjerman, Olaf Scholz.

“Në Samitin e Paqes për Ukrainën, për t’i treguar botës rrëfimin e popullit të Kosovës, por edhe përkushtimin e çdoditshëm të vendit tonë për paqe të drejtë e të qëndrueshme në Ukrainë e kudo në botë”,shkroi ajo.

Dje presidentja Osmani ka takuar edhe kryeministrin holandez, Mark Rutte, me të cilin tha se diskutoi për Kosovën dhe të ardhmen euroatlantike të saj.