Kosova

Prishtinë: Digjen dy zyra në Institutin e Mjekësisë Ligjore

E martë, 21 Nëntor 2023 - 10:24 albinfo.ch

Raportohet se dy zyra në objektin e Institutit të Mjekësisë Ligjore (IML) në Prishtinë janë përfshirë nga zjarri mëngjesin e së martës, përcjell albinfo.ch.

Zjarri është lokalizuar nga ekipet e zjarrfikësve, ndërsa nga ky incident nuk ka persona të lënduar.

“Sot rreth orës 08:00 është raportuar se në Institutin e Mjekësisë Ligjore në Prishtinë dy zyra janë përfshirë nga zjarri. Policia menjëherë ka dalë në vendin e ngjarjes, po ashtu edhe zjarrfikësit, të cilët kanë lokalizuar zjarrin. Nuk raportohet për persona të lënduar”, thuhet në njoftimin e Policisë së Kosovës.