Protesta kundër vizitës së Vuçiqit në Tiranë

Dhjetëra persona janë duke protestuar kundër vizitës së Alesandar Vuçiqit në Tiranë i cili pritet të marrë pjesë në Samitin e liderëve të Ballkanit Perëndimor.

”Ai është kriminel, ka vrarë shqiptarë”, dëgjohen thirrjet e disa nga protestuesve, shkruajne mediat kosovare.

Ky i fundit sapo ka mbërritur në kryeqytetin shqiptar, së bashku me Presidentin e Maqedonisë së Veriut, Zoran Zaev, në kuadër të Samitit të tretë të Shengenit Ballkanik.

Qytetarë të shumtë janë mbledhur para Kryeministrisë, aty ku Vuçiç po zhvillon një takim informal me kryeministrin Rama, me të mbërritur në Tiranë.

Nga ana tjetër, në rrugë ndodhen edhe forca të shumta policore, për të shmangur ndonjë incident të mundshëm.