Lajme

Psikologët e specializuar italianë, ndihmë për të prekurit nga tërmeti

Qëllimi i këtij bashkëpunimi është të ndihmojë drejtpërdrejt personat e përfshirë në tërmet që garantojnë mbështetje psikosociale, por garanton mbi të gjitha mbështetje për psikologët shqiptarë në zhvillimin e strategjive mbështetëse për objektivin më të rrezikshëm, falë përgatitjes dhe përvojës së psikologëve dhe psikiatrëve italianë, të cilët kanë marrë pjesë në menaxhimin e emergjencave të tërmetit në Shqipëri dhe Italinë qendrore

Është bërë e ditur se për të ndihmuar familjet e prekura nga tërmeti në Shqipëri, Shoqata “Scanderbeg” në Itali, në bashkëpunim me shoqatën italiane “E.S.P.R.I“ dhe Urdhrin e Psikologut në Shqipëri do të organizojnë trajnimin me temë “Ndihma psikologjike në situata emergjente”, shkruan albinfo.ch.

Nga situata e krijuar pas tërmetit të 26 nëntorit, Shoqata Scanderbeg, në bashkëpunim me Urdhrin e Psikologut në Shqipëri dhe falë bashkëpunimit me shoqatën E.S.P.R.I, një nga shoqatat më të mira në Itali, e specializuar në trajtimin e traumave psikologjike në rastet e emergjencave, organizon trajnimin “NDIHMA PSIKOLOGJIKE NË SITUATA EMERGJENTE”, shkruan albinfo.ch.

Trajnimi u drejtohet psikologëve shqiptarë, të angazhuar në trajtimin e problemeve psikologjike të krijuara në popullatë nga situata e tërmetit që goditi Shqipërinë. Një grup psikologësh italianë, nga më të suksesshmit në fushën e emergjencave, do të trajnojë psikologët shqiptarë me metodat dhe mjetet më bashkëkohore në trajtimin e situatave të vështira në raste emergjente. Ky takim realizohet falë bashkëpunimit të firmosur nga shoqata Scanderbeg dhe shoqata e Psikologëve italianë E.S.P.R.I si dhe Urdhri i Psikologut të Shqipërisë. Takimi i parë do të zhvillohet në Universitetin Marin Barleti në Tiranë më 15-16 shkurt 2020. Ciklet e trajnimeve do të vazhdojnë gjatë gjithë vitit. /Albinfo.ch.

 

Fotografia e Scanderbeg Parma