Lajme
Punëtorët në Mbretërinë e Bashkuar, në grevë
Ndërsa kostoja e jetesës bëhet e papërballueshme, punëtorët në gjithë Mbretërinë e Bashkuar vazhdojnë grevën, duke kërkuar paga më të larta për të luftuar inflacionin në rritje.
Sipas sindikatës Unite, rreth 1,600 shoferë autobusësh në Londër lanë punën gjatë fundjavës, midis 27 dhe 28 gushtit, pas grevës së parë të autobusëve në kryeqytet në fundjavën e kaluar.
Shoferët e autobusëve në Londër thonë se u larguan sepse punëdhënësit e tyre nuk kanë arritur të bëjnë një ofertë të arsyeshme pagash. Kompania po ofron një rritje page prej 3.2% në vitin 202,2 dhe 4.2% vitin e ardhshëm, por norma e vërtetë e inflacionit (RPI) aktualisht qëndron në 11.8%.
“Nuk ka të bëjë fare me një strategji kombëtare apo diçka të tillë, është diçka që ka ndodhur këtu në nivel lokal dhe reflekton atë që po ndodh gjetkë, sepse njerëzit në gjithë vendin mendoj se po ndihen njësoj”, tha oficeri rajonal Miles Hubbard për Unite.
“Kjo është arsyeja pse duket se është e koordinuar sepse njerëzit kudo ndihen në të njëjtën mënyrë dhe po arrijnë në të njëjtin përfundim. Mjaft më, nuk do ta durojmë më këtë”, ka shtuar ai.
Asnjë nga sindikatat që mbështetën grevat gjatë muajit gusht nuk kanë planifikuar greva për shtator, megjithatë, sekretari i përgjithshëm i RMT, Mick Lynch, thotë se greva të tjera janë “shumë të mundshme”. /TheGuardian
E-Diaspora
-
ASK: Mbi 1.4 milionë qytetarë të regjistruar, mbi 400 mijë nga diaspora Procesi i regjistrimit të popullsisë në Kosovë pritet të përmbyllet më 17 maj. Sipas të dhënave...
-
Rama njofton për programin e veçantë për emigrantët që duan të investojnë në Shqipëri
-
400 mijë të regjistruar përmes platformës e-diaspora
-
Bizneset ekspozojnë produktet e tyre në “Panairi Lugina” në Zvicër
-
Arbëreshët, kjo rrënjë e fortë e Atdheut!
Jeta në Zvicër
-
A mund të marr nënshtetësinë zvicerane dhe të lëviz menjëherë jashtë vendit? Shumica e njerëzve aplikojnë për natyralizim zviceran me synimin për të mbetur në vend. Por çfarë...
-
Trashëgimia në Zvicër: Ligjet e shtetit duhet të ndjekin shtetasit e dyfishtë?
-
Historia e Nemo-s që fitoi Eurovizion-in
-
Cili qytet në Zvicër ka më shumë gjasa të presë Eurovision 2025?
-
Shefi i Lufthansa-s: SWISS është “flamurtari” i grupit të linjës ajrore