Kosova
Rasti i injorimit të kuadrove në Kosovë
Avdi Shala ka studiuar për aviacion ajror në Gjermani, derisa ka edhe njohuri e përvojë në këtë fushë, raporton KTV, përcjell albinfo.ch.
Ai, në 12 vjetët e fundit, ka punuar nëpër institucione të ndryshme të aviacionit në Evropë.
Pavarësisht tërë bagazhit që ka, ai nuk arriti të futet as në listën e ngushtë për pozitën e zëvendësdrejtorit në Agjencinë për Aviacion Ajror.
Ky konkurs u hap nga Ministria e Infrastrukturës, ndërsa Shala ankohet se me qëllim u eliminua nga lista e ngushtë nga komisioni përzgjedhës.
Sipas tij, kjo është bërë që kandidatët e përzgjedhur të mos kenë konkurrentë, pasi nuk kanë kualifikimin e duhur.
Shala, i dëshpëruar, ka ushtruar ankesë pranë komisionit përgjegjës, por nuk ka shpresë se do të vendoset diçka në favor të tij.
Në Ministrinë e Infrastrukturës thonë se përzgjedhja do të bëhet bazuar në ligjet në fuqi.
“Sipas informatave që kemi, ende nuk është bërë përzgjedhja dhe nuk po e kuptoj si është e mundur të ushtrohet ankesë në një procedurë që ende nuk ka përfunduar. Gjithsesi që çdo vendim duhet të jetë i bazuar në rregulla, ligje dhe transparenca do të jetë në çdo vendim lidhur me këtë çështje”, ka thënë Argjend Zenaj, Ministria e Infrastrukturës
Sidoqoftë, Shala po mendon ta lërë vendin, pasi ka marrë oferta për punë nga shteti gjerman, por mënyra si Kosova po injoron kuadrot, thotë se është dëshpëruese.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?