Kosova
Qeveria e Kosovës ka dhënë sqarim lidhur me hartimin e Draft Koncept Dokumentit për Lojërat e Fatit
Qeveria e Kosovës nëpërmjet një komunikate ka dhënë sqarim për opinionin publik lidhur me hartimin e Draft Koncept Dokumentit për Lojërat e Fatit.
Qeveria njofton se ky koncept dokument është propozuar nga Ministria e Financave është përpiluar duke u bazuar në Strategjinë Kombëtare për Parandalimin dhe Luftimin e Ekonomisë Joformale, Pastrimit të Parave, Financimit të Terrorizmit dhe Krimeve Financiare, përcjell albinfo.ch
“Qeveria e Kosovës njofton se qëllimi parësor i këtij koncept dokumenti është të rregullohet fusha e Lojërave të Fatit, pasi që është vlerësuar se vetëm me këtë qasje ulet informaliteti për 50% dhe rriten të hyrat tatimore për 50% . Fusha e Lojërave të Fatit në disa raste ka rënë në kundërshtim me Strategjinë Kombëtare për Parandalimin dhe Luftimin e Ekonomisë Joformale, Pastrimit të Parave, Financimit të Terrorizmit dhe Krimeve Financiare, kështu duke i dhënë hapësirë ekonomisë joformale”.
Ndër të tjera në njoftimin e ekzekutivit thuhet se “Qeveria e Kosovës konsideron se viti 2019 do të jetë vit i zhvillimit ekonomik e si fokus të parë do të ketë luftimin e ekonomisë joformale, pastrimin e parave dhe krimin e organizuar.Koncept dokumenti ka për qëllim kontrollin e drejtpërdrejtë të kësaj fushe, duke rritur efikasitetin e inspektimeve dhe dënimeve”.
Koncept dokumenti propozon disa opsione të qasjes dhe këto do të analizohen nga ekspertë financiar dhe ata të krimeve ekonomike për të zgjedhur opsionin më të favorshëm për Kosovën.
Qëndrimet se kjo politikë e Qeverisë është për zgjerimin e kësaj fushe, janë të paqëndrueshme, tendencioze dhe nuk do të tolerohen. Agjendat e grupeve të interesit joformal nuk do ta ndalin luftën kundër krimit të organizuar dhe pastrimit të parave, shkruan në njoftimin e Qeverisë së Kosovës përcjellë Klan Kosova.
Të ngjashme
Të tjera nga Kosova
E-Diaspora
-
BQK: Mbi 112 milionë euro i sollën mërgimtarët në Kosovë vetëm gjatë marsit Pa dyshim se një nga shtyllat kryesore të ekonomisë së Kosovës janë remitencat nga e mbarë...
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
-
“Më 31 dhjetor ju mbaron leja e qëndrimit”: Një letër që po frikëson të huajt në Zvicër
Jeta në Zvicër
-
Komiteti parlamentar zviceran mbështet planin e ndihmës për Ukrainën Një komitet parlamentar zviceran ka votuar për të mbështetur një kontribut ndihme prej 5 miliardë CHF...
-
Zvicër: Më 2024 priten më shumë zjarre për shkak të ngrohjes globale
-
Zviceranët duan të ulin kostot e kujdesit shëndetësor
-
Ish-presidenti thotë se Zvicra duhet të anëtarësohet në BE
-
Si të shpejtoni aplikimin tuaj për shtetësinë zvicerane