Shqiperia

Rama: Ballkani i hapur na dha shumë mundësi të reja

Sot, kryeministri i Shqipërisë, Edi Rama, i cili po qëndron në Shkup, bashkë me kabinetin e tij qeveritar, gjatë fjalimit paralajmëroi samitin e radhës të BE-së, me vendet e Ballkanit Perëndimor që do të mbahet më 6 dhjetor në Tiranë, përcjell albinfo.ch.

“Ne takohemi në këtë mbledhje të dy qeverive, në aspektin e interesave tona për t’u bërë pjesë e familjes së madhe të BE-së. Sot të dyja vendet tona kanë hapur procesin e negociatave dhe kanë hedhur një hap shumë të madh përpara. Më 6 dhjetor në Tiranë do të mbahet samiti i BE-së me Ballkanin Perëndimor dhe ne do të jemi aty me të gjitha problemet dhe sfidat tona, të cilat janë të ngjashme me ato të vendeve të BE-së”, deklaroi Edi Rama, i cili gjatë fjalimit të tij, foli edhe për Ballkanin e Hapur.

“Besoj që Ballkani i Hapur na ka dhënë shumë mundësi të reja për të parë përtej të djeshmes dhe për të kuptuar se si mund ta kapërcejmë të sotshme dhe për të projektuar të ardhmen, që të përfitojnë nga një hapësirë shumë të madhe se sa hapësira jonë e përvetshme gjeografike”, tha Rama.

Rama: Interes strategjik kombëtar që të kemi bashkëpunim sa më të madh mes dy vendeve

Kryeministri i Shqipërisë, Edi Rama, në mbledhjen ndërqeveritare mes Shqipërisë dhe Maqedonisë së Veriut tha se bashkëpunimi mes dy vendeve eshtë i domosdoshëm.

Rama pohoi se dy vendet janë enë komunikuese që nuk mund të bëjnë pa njëra-tjetrën.

“Është interesi i madh strategjik kombëtar, reciprokisht, i të dy shteteve tona që të kemi marrëdhënie sa më të forta, sa më vëllazërore, sa më të palëkundura nga asnjë lloj stuhie apo asnjë lloj stine të vështirë, sepse jemi dy enë komunikuese që nuk mund të bëjmë pa njëra-tjetrën”, tha mes tjerash Rama.

Kovaçevski i uron mirëseardhje Qeverisë së Shqipërisë: Bashkëpunimi na siguron sukses

Kryeministri i Maqedonisë së Veriut, Dimitar Kovaçevski, i ka uruar mirëseardhje Qeverisë së Shqipërisë në krye me Edi Ramën.

Kovaçevski tha se bashkëpunimi mes dy vendeve siguron sukses.

“Siç kam konstatuar edhe një herë, afrimi është fillim, mbetja të bashkuar është përparim, ndërsa bashkëpunimi është sukses. Nëse nisemi nga kjo, ne jemi në rrugë të mirë për të pasur sukses, sepse jemi bashkë në rrugën e vërtetë, në rrugën evropiane.

I nderuar kryeminister Rama, të nderuar ministra të qeverisë së Shqipërisë,

Edhe një herë, mirë se rdhët në Qeverinë e Maqedonisë së Veriut”, tha mes tjerash Kovaçevski.