Shqipëria
Rama në Vlorë mbledh qeverinë e re
Në këtë mbledhje të qeverisë do të diskutohet mbi skemën e re qeverisëse dhe funksionimin e ministrive të krijuara rishtazi, përbërjen dhe drejtimin e komisioneve parlamentare, si dhe ristrukturimin e Partisë Socialiste
Një ditë pasi Edi Rama bëri publikë emrat e kabinetit të ri qeverisës, ashtu si katër vite më parë, ata janë mbledhur në një takim jozyrtar në Vlorë. Mësohet se takimi, i cili është parashikuar të zgjasë dy ditë, është thirrur nga vetë kryeministri Rama dhe veç ministrave të rinj, në të do të jenë të pranishëm dhe Gramoz Ruçi, emri i propozuar për kryetar Parlamenti dhe Taluant Balla, i propozuari për kryetar të grupit parlamentar të Partisë Socialiste.
TCh mëson se në këtë mbledhje do të diskutohet mbi skemën e re qeverisëse dhe funksionimin e ministrive të krijuara rishtazi, përbërjen dhe drejtimin e komisioneve parlamentare, si dhe ristrukturimin e Partisë Socialiste në të gjitha degët.
Por, kur do të nisë punën qeveria e re?
Referuar Kushtetutës së Shqipërisë, e më konkretisht neni 67, “Presidenti i Republikës mbledh Kuvendin e porsazgjedhur jo më parë se data e përfundimit të mandatit të Kuvendit paraardhës, por jo më vonë se 10 ditë pas mbarimit të këtij mandati”.
Pra, seanca e parë e Parlamentit të ardhshëm do të jetë brenda periudhës 9-19 shtator. Por Kushtetuta parashikon dhe një hap nëse presidenti nuk e ushtron këtë kompetencë, duke i dhënë të drejtë Kuvendit të mblidhet në ditën e fundit të parashikuar nga afati kushtetues, pra datën 19 shtator.
Pas, dekretimit të datës së seancës së parë, partia që ka fituar shumicën në Parlament, në këtë rast Partia Socialiste, i drejtohet zyrtarisht presidentit të Republikës, duke i paraqitur kandidaturën për kryeministër të ardhshëm Edi Ramën.
Pas kësaj, në një takim në Presidencë, Meta mandaton Ramën për të formuar qeverinë e re, e cila fillimisht duhet të dekretohet pikërisht nga kreu i shtetit, më pas votohet në Parlament e në fund betohet përpara presidentit, në mënyrë që ministrat të nisin zyrtarisht detyrën e tyre. Sipas afateve kushtetuese dhe duke përjashtuar çdo të papritur gjatë këtij procesi dekretimi, votimi e betimi, Shqipëria do të ketë qeverinë e re në detyrë përpara fundit të muajit shtator.
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?