Lajme
Rënie e madhe e migracionit ilegal në Zvicër
Nga janari deri në qershor, Rojat Kufitare të Zvicrës kanë ndaluar 6500 persona që kanë dashur të hynë ilegalisht në Zvicër, ose mbi 30% më pak se një vit më parë
Në gjysmën e parë të vitit 2019 janë kapur dukshëm më pak njerëz gjatë hyrjes ilegale në Zvicër, në krahasim me gjashtëmujorin e parë të vitit 2018. Nga janari deri në qershor, Rojat Kufitare të Zvicrës, sipas të dhënave që kanë publikuar sot, kanë ndaluar 6500 persona, të cilët kanë dashur të hynë ilegalisht në Zvicër, shkruan sda.ch.
Për krahasim: në një hapësirë të njëjtë kohore, një vit më parë, ishin ndaluar 9000 veta.
Në rastet më të shumta, për hyrjen ilegae kanë shfrytëzuar rrjetin hekurudhor, transmeton albinfo.ch. Kështu, gjithsej 3357 veta janë kapur si ilegalë në trena, 2700 në trafikun rrugor, 459 në atë ajror dhe 15 veta në trafikun ujor.
Nga regjionet e Zvicrës, Kantini i Tiçinos prin për numrin e të huajve të ndaluar. Gjatë periudhës në shqyrtim në kantonin jugor janë kapur 1858 persona nga kjo kategori, përcjell albinfo.ch. Menjëherë pas Tiçinos vjen regjioni i Zvicrës Veriperëndimore, bashkë me Kantonin e Bernës, ku autoritetet kanë ndaluar 1728 veta.
Për nga prejardhja nacionale, numrin më të madh të të huajve të kapur ilegalë në Zvicër e përbëjnë nigerianët (872). Pas tyre vijnë shtetasit e Gambisë (179), ata të Algjerisë (106) etj.
Numri i gjithmbarshëm i personave që Zvicra u ka dorëzuar autoriteteve të huaja gjatë gjashtë muajve të parë të këtij viti ka qenë 2800. Në gjashtëmujorin e parë të vitit 2018 kanë qenë 4473.
Të ngjashme
Të tjera nga Lajme
E-Diaspora
-
Sopranoja Elbenita Kajtazi ndan bursa vjetore për studentët shqiptarë të muzikës Sopranoja shqiptare që jeton në Gjermani, Elbenita Kajtazi, gjatë së enjtes ka ndarë bursën e parë...
-
BQK: Mbi 112 milionë euro i sollën mërgimtarët në Kosovë vetëm gjatë marsit
-
Mitrovicasi Semir Aliti nënshkroi kontratë me ekipin holandez, PSV
-
Pas pushimit pranveror, rinis mësimi plotësues i gjuhës shqipe në shkollën Ostermundigen Bern
-
Promovohet në Zvicër romani i Mimoza Hysës “Bijat e gjeneralit”, në përkthimin gjerman
Jeta në Zvicër
-
Dështon nisma që donte të ndryshonte Kushtetutën Lansimi i një teksti që synonte reformimin e Kushtetutës Federale është shtyrë. Lëvizja qytetare pas saj...
-
Rritet numri i kopshteve dygjuhëshe në Zvicër
-
Vdekja e ushtarit në Bremgarten cilësohet si vetëvrasje
-
Komisioni bën thirrje për marrëveshje me një vend të tretë për të dëbuar aplikantët e refuzuar nga Eritreja
-
Sa vlen Zvicra për UBS-në?