Rënie rekorde e euros në Shqipëri

Euro ka shënuar rekord të ri të ulët të këmbimit me valutës vendëse lekun.

Sipas kursit zyrtar të Bankës së Shqipërisë, euro është këmbyer të martën me 134.14 lekë. Euro në tregun vendas ka qenë përgjithësisht e dobët që nga tetori i vitit të kaluar, por sot arriti nivelin më të ulët që nga viti 2009.

Shqetësimet në lidhje me situatën që ka përfshirë Greqinë, Italinë dhe Bankën Qendrore Evropiane ka zhvlerësuar monedhën e përbashkët në tregjet  ndërkombëtare, gjë që është reflektuar edhe në tregun vendës, shkruan monitor, përcjell albinfo.ch

Ministrat e Financave të Eurozonës nuk arritën të bien dakord me Fondin Monetar Ndërkombëtar për lehtësimin e borxheve greke apo për disbursimin e  kredive të reja ndaj Athinës, ndërkohë që pritet takimi i dytë i palëve në qershor.

Ndërsa Banka Qendrore Evropiane vendosi që të marrë në konsideratë blerjen e obligacioneve greke vetëm pasi borxhi i Greqisë të jetë cilësuar si i qëndrueshëm