Kosova
Rita Ora në Kosovë, u ofron mbështetje të rinjve
UNICEF ka sjellë sot për të rinjtë e vendit këngëtaren me famë botërore, Rita Ora.
Gjatë panelit në kuadër të ngjarjes “Activate Talks” të UNICEF-it, këngëtarja Ora është paraqitur në skenë, nga ku u shpreh e lumtur që gjendet mes të rinjve të vendit nga ajo vjen, duke ofruar mbështetje për të rinjtë, për çka tha se ndihet krenare, shkruan KP, përcjell albinfo.ch.
Ndonëse me famë botërore, Rita Ora u tregua modeste kur para të pranishmëve e nisi fjalën e saj duke thënë: “Jam Rita”, teksa bëri një foto të përbashkët me audiencën në sallë.
Në kuadër të kësaj ngjarje vjetore të UNICEF-it, shumë të rinj prezantuan projektet që kanë realizuar në kuadër të programit Up-shift. Ndërsa, për të inspiruar të rinjtë, aty u mbajt edhe një panel diskutimi me ambasadorë dhe përfaqësues të institucioneve vendore.
Shefja e Zyrës së BE-së në Kosovë, Nataliya Apostolova, tha se dëshirojnë të shohin që të rinjtë të udhëheqin me vendin, përcjell albinfo.ch.
Për të motivuar ata se mund të bëjnë ndryshime, Apostolova kujtoi se edhe vetë vjen nga një shtet që dikur nuk ishte i zhvilluar, duke thënë se ishin pikërisht studentët ata që bënë revolucionin.
E-Diaspora
-
Kurti dhe Rozeta Hajdari vizituan Panairin e “Hannover Messe 2024” Gjermani: Ministrja e Industrisë, Ndërmarrësisë dhe Tregtisë, Rozeta Hajdari, së bashku me kryeministrin e Republikës së...
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë