Rita udhëheq ceremoninë MTV EMA 2017

MTV ka zyrtarizuar këngëtaren kosovare përmes uebfaqes zyrtare të vet

Këngëtarja shqiptare me famë botërore, Rita Ora, do të jetë nikoqire e ceremonisë MTV EMA për vitin 2017, që do të mbahet në Londër.

MTV ka zyrtarizuar këngëtaren kosovare përmes uebfaqes zyrtare të vet.

Rita ishte edhe më parë pjesë e ndarjes së çmimeve në Evropë nga MTV. Ajo ishte ndër aktet hapëse të vitit 2012, ndau një çmim në vitin 2013 dhe është dominuar deri tash tetë herë.

“Jam shumë e lumtur që do ta udhëheq ceremoninë e sivjetme të MTV EMA-s në vendin tim. Akoma e kujtoj sa mirë ishte në EMA-n e parë në Frankfurt në vitin 2012, kur performova “RIP”. Mezi pres të udhëheq ceremoninë dhe të performoj”, ka thënë ajo, transmeton albinfo.ch.

Rita sivjet ka shijuar suksese të mëdha me këngët e rikthimit “Your Song” dhe “Lonely Together”.

Ceremonia do të mbahet më 12 nëntor.