Integrimi
Tare: Hyra ilegalisht në Gjermani, pastaj ndoqa ëndrrën në Itali
Përveç kryeministrit shqiptar Edi Rama, i ftuar në emisionin “Porta a Porta” të gazetarit Bruno Vespa ishte edhe drejtori sportiv i Lazios, Igli Tare, një ndër shqiptarët e suksesshëm jashtë atdheut.
Ish-lojtari i kombëtares shqiptare të futbollit ka risjellë në kujtesë të shkuarën e tij, kur iu desh të shkonte në Gjermani e mandej Itali, për të kërkuar rrugën e suksesit, transmeton ‘Shekulli’.
“Unë nuk jam pjesë e atij brezi që erdhi direkt në Itali. Në 1992 shkova i pari në Gjermani, hyra ilegalisht dhe kërkova rrugën për sukses. Ardhja në Itali dhe të luaja këtu ka qenë gjithmonë ëndrra ime, të cilën e arrita me kalimin e kohës”, është shprehur Tare, përcjell albinfo.ch.
“Ndihem mirë këtu dhe uroj të njëjtën gjë për vendin tim, që të kthehet një vend më i mirë. Për ata që janë si unë, larg nga populli dhe vendi, imazhi që japim jashtë është i rëndësishëm prandaj përpiqemi të bëjmë pjesën tonë. Shpresojmë që njerëzit në Shqipëri të jenë përgjegjës, sepse ka pasur rritje në vitet e fundit dhe duhet të japim një sinjal të fortë në të gjithë botën”, është shprehur Tare.
Tare u shpreh kundër vendimit të opozitës për djegien e mandateve, ndërsa bëri thirrje: “Duhet të kthehen në Parlament se vetëm aty mund të diskutojnë problemet tona. Duhet të jemi të përgjegjshëm se kemi vuajtur shumë dhe vendi ynë meriton diçka më mirë. Jemi një vend në rritje dhe problemet duhet t’i zgjidhim në shtëpinë tonë me shumë përgjegjësi”.
Të ngjashme
Të tjera nga Integrimi
E-Diaspora
-
BQK: Dërgesat e mërgatës deri në fund të muajit shkurt 2024 arritën në mbi 174 milionë euro Bëhet e ditur se rreth 88 milionë euro është vlera preliminare e dërgesave të mërgatës që...
-
52-vjeçari nga Kosova gjen vdekjen në vendin e tij në punës në Itali
-
Shkolla shqipe në SHBA, me qindra nxënës shqiptarë
-
Mbahet takimi i Kolegjit të kirurgëve të Kësovës me kirurgët nga mërgata
-
Irlandë: Ekspozitë nga artisti shqiptar, Azem Koleci
Jeta në Zvicër
-
Qytetarët e Lihtenshtajnit dhe Zvicrës kanë pagën më të lartë Një studim i GfK-së tregon se qytetarët e Lihtenshtajnit kanë pagën më të lartë në Evropë....
-
Ja si duken fanellat e reja të Zvicrës në Kampionatin Evropian
-
Ndërprerje e transportit publik në Gjenevë
-
Numër rekord i turistëve amerikanë në pistat zvicerane të skive
-
Simpoziumi i mantelbardhëve shqiptarë në Zvicër emocionon profesorët nga Kosova e Shqipëria