Bota
Rregulla të reja në BE për çiftet e martuara nga vende të ndryshme
Në 18 vendet anëtare të BE-së hyjnë në fuqi rregulla të reja për ndarjen e pronës së çifteve të martuara nga vende të ndryshme.
Sipas deklaratës së Komisionit Evropian, rregullat e reja do të vlejnë në 18 shtete: Austria, Belgjika, Bullgaria, Kroacia, Qipro, Republika Çeke, Finlanda, Franca, Gjermania, Greqia, Italia, Luksemburgu, Malta, Holanda, Portugalia, Sllovenia, Spanja dhe Suedia.
Rregullat e reja përcaktojnë norma të qarta për divorc ose vdekje, dhe ka për qëllim për t’u dhënë fund në mënyrë paralele procedurave kundërthënëse në vendet e ndryshme të BE-së, të lidhura, për shembull, me pronën apo me një llogari bankare. Rregullat sqarojnë se një gjykatë e një vendi është kompetente për të ndihmuar çiftet në menaxhimin e pronës së tyre apo ndarjen e saj pas divorcit ose vdekjes, përcjell albinfo.ch.
Rregullat e reja shpjegojnë se cili ligj ka përparësinë e zbatimit të rregullave të disa vendeve. Ajo do të lehtësojë njohjen dhe zbatimin në një vend të BE-së të një vendimi gjyqësor në çështjet e pronësisë, të miratuar në vendet e tjera të BE-së.
Vendet e BE-së që nuk marrin pjesë në zbatimin e rregullave të reja mund të bashkohen me këtë marrëveshje në çdo kohë. Deri atëherë ata do të vazhdojnë të zbatojnë legjislacionin e tyre kombëtar në rastet ndërkufitare që përfshijnë pasurinë e bashkëshortëve dhe partnerëve të regjistruar, thuhet në deklaratë, përcjell albinfo.ch.
Të ngjashme
Të tjera nga Bota
E-Diaspora
-
Mërgimtari humb jetën në vendin e punës, në Maltë Bari Balla, është 51-vjeçari shqiptar, i cili humbi jetën në vendin e punës në Maltë. Shqiptari...
-
Kurti dhe Rozeta Hajdari vizituan Panairin e “Hannover Messe 2024”
-
Lea Ypi, “një yll i ri i fiksuar në qiellin filozofik”
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
Jeta në Zvicër
-
Zvicra do të forcojë sigurinë në qendrat e azilit Qeveria zvicerane i ka dërguar parlamentit propozime për të forcuar sigurinë në qendrat e azilit. Lëvizja...
-
Sa aktivë janë spiunët kinezë në Zvicër?
-
Aeroporti i Bazelit evakuohet për arsye sigurie
-
Gjykata Federale: I moshuari ka të drejtë për ndihma, edhe pse ka shpenzuar paratë e veta
-
Pse 1 maji nuk është festë publike kudo në Zvicër?