Kosova

Rreth 20 mijë raste aktive me COVID-19 në Kosovë

E shtunë, 11 Shtator 2021 - 9:25 albinfo.ch
Sheshi Prishtine - Photo - Bleron Llugiqi

Rastet e reja me COVID-19 ditëve të fundit në Kosovë kanë shënuar një rënie të lehtë, por shqetësues mbetet numri i lartë i vdekjeve.

Vetëm gjatë ditës së premte 30 qytetarë humben betejën me këtë virus.

Ndërsa numri i rasteve aktive në nivel vendi është rreth 20 mijë.

“Nga 9.415 testime, 685 qytetarë kanë rezultuar pozitivë me virusin COVID-19. Gjatë 24 orëve të fundit janë shënuar 30 raste të vdekjes. Sot janë shëruar 1.384 qytetarë, derisa numri i përgjithshëm i të shëruarve është 133.314. Në total, numri i rasteve aktive është 19.923”, thuhet në raportin e fundit të MSH-së.

Në 24 orët e fundit janë dhënë 20.646 doza të vaksinës kundër COVID-19.

Prej fillimit të vaksinimit në të gjitha qytetet e Kosovës janë dhënë 995.930 doza të vaksinës.

Deri më sot 347.344 qytetarë janë vaksinuar me dozën e dytë.

 Të ngjashme

Si rekrutohet stafi infermieror nga Kosova, në Bavari

 Të tjera nga Kosova

LDK publikon listën e kandidatëve, debat për renditjen e figurave kryesore

 E-Diaspora

 Jeta në Zvicër