Kosova
Rriten të hyrat buxhetore në Kosovë
Banka Qendrore e Kosovës (BQK), ka njoftuar se të hyrat buxhetore deri në shtator të këtij viti arritën vlerën neto prej 1.23 miliardë euro, që paraqet një rritje vjetore rreth 3.8 %.
“Në të njëjtën periudhë, shpenzimet buxhetore arritën vlerën prej 1.17 miliardë euro që paraqet një rritje vjetore rreth 7.2 përqind. Rrjedhimisht, buxheti i Kosovës regjistroi bilanc primar buxhetor prej 60.8 milionë euro krahasuar me bilancin prej 95.1 milionë euro në periudhën e njëjtë të vitit 2016”, thuhet në raportin e BQK-së, për vlerësimi Tremujor të Ekonomisë, raporton “RTKlive”.
Sa i përket llojit të tatimeve, sipas BQK-së vërehet rritje më e lartë e të hyrave tatimore jo-direkte të cilat arritën vlerën prej 953.8 milionë euro (5.4 përqind rritje), ndërsa të hyrat tatimore direkte shënuan një rritje të lehtë prej 0.5 përqind dhe arrtën vlerën prej 179.4 milionë euro, përcjell albinfo.ch.
Rritje edhe më e lartë e të hyrave buxhetore është shënuar tek të hyrat jo-tatimore, të cilat arritën vlerën prej 138.4 milionë euro (8.8 përqind rritje).
E-Diaspora
-
Lea Ypi, “një yll i ri i fiksuar në qiellin filozofik” Gazeta "Die Presse" shkruan mbi librin më të ri të Lea Ypit "Die Architektonik der...
-
Mërgimtari nga Suhareka vdes në një aksident tragjik në Itali
-
Koncert në Cyrih nga dy artiste shqiptare, Agona Shporta dhe Tringa Sadiku
-
Interi, kampion, me futbollistin shqiptar Asllani: Nuk mund të kërkoja diçka më mirë
-
Evropë
Washington Post shkruan për zërin e sopranos shqiptare Ana Naqe